წესები და პირობები

ეს მომხმარებლის შეთანხმება („წესები და პირობები") აწესრიგებს Ulupa-ს პლატფორმით — შპს „ულუფა" (ს/კ: 406561135) (ვებ-გვერდი/ვებ აპლიკაცია მისამართზე www.ulupa.ge, შემდგომში — „Ulupa", „ულუფა", „ჩვენ" ან „პლატფორმა") — სარგებლობას.

პლატფორმაზე წვდომით, მისით სარგებლობით ან ანგარიშის რეგისტრაციით თქვენ ეთანხმებით ამ შეთანხმებას. თუ თქვენ არ ეთანხმებით წინამდებარე შეთანხმებას, გთხოვთ არ განაგრძოთ მომდევნო სარგებლობა, წინააღმდეგ შემთხვევაში, ჩაითვლება, რომ თქვენ დაადასტურეთ და დაეთანხმეთ პლატფორმაზე განთავსებულ წესებს და პირობებს.

ეს შეთანხმება რეგულირდება საქართველოს კანონმდებლობით. კონფიდენციალურობის პოლიტიკა შეთანხმების განუყოფელი ნაწილია.

ოპერატორი — შპს ულუფა (ს/კ: 406561135) მის: ქ. თბილისი, ქინძმარაულის II შეს., #15.

პლატფორმა — Ulupa-ს ვებსაიტი (ulupa.ge) და სერვისები, რომელსაც ოპერირებს შპს ულუფა.

მომხმარებელი — ნებისმიერი პირი, რომელიც სტუმრობს ან სარგებლობს პლატფორმით, მათ შორის მყიდველები და მზარეულები.

მზარეული — შემოწმებული მომხმარებელი, რომელიც ამზადებს კერძებს სახლში და პლატფორმის მეშვეობით ყიდის მათ.

მყიდველი — მომხმარებელი, რომელიც აფორმებს შეკვეთებს.

შეკვეთა — მყიდველის მიერ პლატფორმაზე გაფორმებული (განთავსებული) კერძების შესყიდვა (შეკვეთა).

კონტენტი — პლატფორმაზე განთავსებული ყველა ტექსტი, სურათი, შეფასება და სხვა მასალა.

სხვა ტერმინები — ტექსტის მიხედვით.

Ulupa არის სახლის მზარეულების ონლაინ-მარკეტფლეისი და შუამავალი, რომელიც აკავშირებს მზარეულებსა და მყიდველებს.

3.1. პლატფორმა მყიდველებსა და მზარეულებს აძლევს სივრცეს გარიგებების დასადებად და შესასრულებლად, სახლის საკვების მომზადებასა და გაყიდვაზე.

3.2. ოპერატორი მოქმედებს როგორც შუამავალი (აგენტი), რომელიც უზრუნველყოფს გარიგების ტექნიკურ შესაძლებლობას, გადახდის ჩატარებას და (არჩევით) მიწოდების ორგანიზებას.

3.3. საკვების ნასყიდობის ხელშეკრულების მხარეებია მზარეული და მყიდველი, არა ოპერატორი. ოპერატორი არ არის კერძების მწარმოებელი, არ ამზადებს საკვებს და არ არის მისი გამყიდველი. კერძის ნასყიდობის ხელშეკრულება იდება უშუალოდ მყიდველსა და მზარეულს შორის. ჩვენ ვუზრუნველვყოფთ ტექნოლოგიას: შეკვეთის გადახდისა და მიწოდების ორგანიზებას ასევე მხარდაჭერას.

მზარეულები დამოუკიდებლად არიან პასუხისმგებელი თავიანთი კერძების ხარისხზე, უსაფრთხოებასა და შემადგენლობაზე კანონის შესაბამისად.

ზოგიერთი ფუნქცია მოითხოვს რეგისტრაციას. თქვენ უნდა მიუთითოთ ზუსტი და სრული ინფორმაცია და შეინარჩუნოთ მისი აქტუალურობა.

4.1. რეგისტრაცია მოითხოვს ტელეფონის ნომრის ვერიფიკაციას (SMS). მომხმარებელი ვალდებულია მიაწოდოს უტყუარი მონაცემები.

4.2. თქვენ პასუხისმგებელი ხართ თქვენი ანგარიშის მონაცემების კონფიდენციალურობასა და ანგარიშზე განხორციელებულ ყველა მოქმედებაზე.

4.3. რეგისტრაცია ხელმისაწვდომია 18 და მეტ წელზე ასაკის მქონე პირებისთვის.

შეგვიძლია შევაჩეროთ ან წავშალოთ ანგარიში, რომელიც არღვევს ამ შეთანხმებას, აწვდის ყალბ ინფორმაციას ან გამოიყენება უკანონოდ.

5.1. წინამდებარე შეთანხმებისა და კონფიდენციალურობის პოლიტიკაზე თანხმობის მიღება — სარგებლობა სავალდებულო პირობაა და პლატფორმაზე რეგისტრაციისას ხდება დათანხმება.

5.2. მარკეტინგულ გამოწერებზე თანხმობა — ცალკეა და ნებაყოფლობითია (opt-in).

5.3. მომხმარებელი უფლებამოსილია ნებისმიერ დროს გამოითხოვოს თანხმობა მარკეტინგული სიახლეების გამოწერაზე (პროფილში ან წერილის ბმულით). გამოთხოვის შემდეგ მარკეტინგისთვის დამუშავება წყდება 7 (შვიდი) სამუშაო დღის განმავლობაში.

მყიდველები აფორმებენ შეკვეთებს პლატფორმის ფუნქციონალით — ირჩევენ კერძებს, მიწოდების თარიღს მზარეულის კალენდრიდან და მიწოდების ვარიანტს. შეკვეთის გაფორმება და გადახდა ქმნის ხელშეკრულებას მყიდველსა და მზარეულს შორის. გადახდის შემდეგ მზარეული ადასტურებს შეკვეთას და იწყებს მომზადებას. ყოველი მზარეული მუშაობს თავისი გრაფიკით და აქვს თარიღზე შეკვეთების შეზღუდული რაოდენობა; ხელმისაწვდომობა ნაჩვენებია პლატფორმაზე.

6.1. მყიდველისთვის მითითებული კერძის ფასი საბოლოოა. პლატფორმის საკომისიო მყიდველის ფასს ზევით არ ემატება.

6.2. შეკვეთის გადახდა არ ნიშნავს მის მიღებას მზარეულის მიერ. გადახდის შემდეგ შეკვეთას აქვს სტატუსი „გადახდილი"; მზარეული მკაფიოდ ადასტურებს შეკვეთას. დადასტურებამდე შეკვეთა შეიძლება გაუქმდეს, ხოლო გადახდა — დაბრუნდეს.

6.3. დღის ბოლომდე არ დადასტურებული შეკვეთები ავტომატურად უქმდება და გადახდილი თანხა შეკვეთაზე ავტომატურად უბრუნდება მომხარებელს.

6.4. თიფსი (ნებაყოფლობით) ემატება მყიდველის მიერ და გადაეცემა მზარეულს პლატფორმის საკომისიოს გამოკლებით (15% ნაგულისხმევად). თიფსის განაკვეთი ფიქსირდება შეკვეთის გაფორმების მომენტში.

ფასებს ადგენენ მზარეულები და ნაჩვენებია ქართულ ლარში (GEL), საჭიროების შემთხვევაში მოქმედი გადასახადების ჩათვლით. პლატფორმა არ იღებს მონაწილეობას ფასწარმოქმნაში.

გადახდა ხდება ონლაინ ჩვენი საგადახდო პარტნიორის მეშვეობით (საქართველოს ბანკი). Ulupa იღებს გადახდას მზარეულის აგენტის სტატუსით და გადასცემს მზარეულს შეკვეთის შესრულების შემდეგ, პლატფორმის საკომისიოს დაკავებით (19.5% ნაგულისხმევად).

საკომისიო იკავება მზარეულის შემოსავლიდან და არ ზრდის მყიდველის მიერ გადახდილ ფასს.

8.1. დადასტურების შემდეგ მზარეული ამზადებს შეკვეთას მითითებული დროისთვის.

8.2. შეკვეთის მიწოდების (მიღების) წესები: თვითგატანა / მზარეულის მიწოდება (თუ ხელმისაწვდომია) / კურიერი (თუ ხელმისაწვდომია). წესს ირჩევს მყიდველი შეკვეთის გაფორმებისას.

8.3. რისკის განაწილება მიწოდებისას — საკვების გაფუჭების, დაზიანების, დაგვიანებისა და დაკარგვის რისკი ნაწილდება შეკვეთის მიღების არჩეული წესის მიხედვით:

8.3.1. თვითგატანა. მზარეული პასუხს აგებს საკვების ხარისხსა და უვნებლობაზე გადაცემის მომენტამდე. საკვების მყიდველის (ან მის მიერ მითითებული პირის) ფაქტობრივ მფლობელობაში მიღების მომენტიდან მისი შემთხვევითი გაფუჭების ან დაკარგვის რისკი გადადის მყიდველზე. მყიდველი ვალდებულია მიიღოს შეკვეთა შეთანხმებულ დროს; მისი ბრალით დაგვიანებით გატანის შედეგად საკვების მდგომარეობის გაუარესება მყიდველს ეკისრება.

8.3.2. მზარეულის მიწოდება. მზარეულის მიერ ტრანსპორტირებისას საკვების გაფუჭების, დაზიანების, დაკარგვისა და დაგვიანების რისკი ეკისრება მზარეულს მყიდველისთვის ფაქტობრივი გადაცემის მომენტამდე. რისკი გადადის მყიდველზე საკვების მის მფლობელობაში მიღების მომენტიდან.

8.3.3. კურიერით მიწოდება. როდესაც მიწოდებას აწყობს მზარეული მესამე პირის კურიერის მეშვეობით, საკვების გაფუჭების, დაზიანების, დაკარგვისა და დაგვიანების რისკი მყიდველზე გადადის მხოლოდ საკვების მის (ან მის მიერ მითითებული პირის, კურიერის გარდა) ფაქტობრივ მფლობელობაში მიღების მომენტიდან. ხოლო მაქამდე ყველა რისკი განესაზღვრება კურიერულ სამსახურსა და მზარეულს.

მიწოდების ღირებულება დამოკიდებულია მანძილზე და ნაჩვენებია შეკვეთის გაფორმების პროცესში. კერძის დაკარგვის ან დაზიანების რისკი გადადის მყიდველზე შეკვეთის მიღების მომენტიდან.

9.1. მყიდველი უფლებამოსილია გააუქმოს შეკვეთა მზარეულის მიერ დადასტურებამდე გადახდის სრული დაბრუნებით.

9.2. შეკვეთები თანხით ≤ 50 ლარი საფუძვლის არსებობისას ბრუნდება ავტომატურად; შეკვეთები ზევით — ოპერატორის მიერ განხილვის შემდეგ. თანხა ბრუნდება იმავე გადახდის მეთოდზე, რომლითაც ისარგებლა მყიდველმა შეკვეთის გაფორმებისას ჩვენი დაბრუნების წესების შესაბამისად.

9.3. გადაუხდელი შეკვეთები ავტომატურად უქმდება.

9.4. შეკვეთა, რომელსაც მზარეული არ დაადასტურებს დანიშნულ თარიღამდე, უქმდება და თანხა ბრუნდება ავტომატურად.

9.5. მალფუჭებადი საქონლის თავისებურება. ინდივიდუალური შეკვეთით მომზადებული საკვები არის მალეფუჭებადი, ინდივიდუალური შეკვეთით დამზადებული საქონელი; ამის გამო ზოგადი „14-დღიანი უარის თქმის უფლება" კანონმდებლობით მასზე, არ ვრცელდება.

9.6. კერძის ნაკლის აღმოჩენისას მყიდველი უფლებამოსილია განაცხადოს პრეტენზია პლატფორმის მეშვეობით; განხილვა — მე-11 თავის წესით.

10.1. საკვების ხარისხზე, შემადგენლობაზე, უვნებლობასა და მომზადების სანიტარიულ პირობებზე პასუხს აგებს მზარეული. ოპერატორი არ აკონტროლებს მომზადების პროცესს და არ იძლევა კერძის თვისებების გარანტიას.

10.2. მზარეულის, როგორც სურსათის ბიზნესოპერატორის, საჯარო-სამართლებრივი ვალდებულებები:

10.2.1. საქართველოს „სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის" თანახმად, პირი, რომლის საქმიანობა უკავშირდება სურსათის წარმოებას, გადამუშავებას ან დისტრიბუციას, არის სურსათის ბიზნესოპერატორი და პასუხისმგებელია თავისი საქმიანობის კანონმდებლობით დადგენილ მოთხოვნებთან შესაბამისობაზე. პლატფორმის მეშვეობით საკვების სისტემატური, ანაზღაურების მიზნით მომზადება და მიწოდება არ წარმოადგენს „ოჯახურ წარმოებას" (რომელიც კოდექსით განისაზღვრება, როგორც არაორგანიზებული ან/და პირადი მოხმარების მიზნით წარმოება); შესაბამისად, მზარეული მოქმედებს როგორც სურსათის ბიზნესოპერატორი.

10.2.2. ამ სტატუსიდან გამომდინარე, მზარეული ვალდებულია: დარეგისტრირდეს ბიზნესოპერატორად კანონმდებლობით დადგენილი წესით; დაიცვას სურსათის უვნებლობისა და ჰიგიენის მოთხოვნები (მცირე ბიზნესის სტატუსის შემთხვევაში — შესაბამისი გამარტივებული წესით); და დაემორჩილოს სურსათის ეროვნული სააგენტოს სახელმწიფო კონტროლს. რეგისტრაციის გარეშე საქმიანობა და უვნებლობის ნორმების დარღვევა იწვევს კანონით დადგენილ პასუხისმგებლობას.

10.2.3. ეს ვალდებულებები საჯარო-სამართლებრივი ხასიათისაა და მზარეულს ეკისრება კანონის ძალით. პლატფორმასა და მზარეულს შორის პასუხისმგებლობის სახელშეკრულებო განაწილება (პუნქტი 8.1) არ ათავისუფლებს მზარეულს ამ ვალდებულებებისგან და არ გადააქვს ისინი ოპერატორზე.

10.3. მყიდველი ვალდებულია აცნობოს მზარეულსა და პლატფორმას ალერგიების/შეზღუდვების შესახებ შეკვეთის გაფორმებისას, თუ ეს გავლენას ახდენს მის ჯანმრთელობაზე და უვნებლობაზე.

თქვენ თანახმა ხართ ისარგებლოთ პლატფორმით კანონიერად და პატივისცემით. თქვენ არ უნდა:

მყიდველებს შეუძლიათ დატოვონ შეფასებები შესრულებულ შეკვეთებზე. შეფასებები უნდა იყოს გულწრფელი და არ უნდა შეიცავდეს შეურაცხმყოფელ ენას, პერსონალურ მონაცემებს ან რეკლამას.

ვიყენებთ ავტომატურ და ხელით მოდერაციას და შეგვიძლია დავმალოთ ან წავშალოთ კონტენტი, რომელიც არღვევს ამ შეთანხმებას.

კონტენტის გამოქვეყნებით თქვენ გვანიჭებთ არაექსკლუზიურ უფლებას, განვათავსოთ იგი, როგორც პლატფორმაზე ასევე მის სხვადასხვა არხებში.

პლატფორმა მზარეულებს სთავაზობს ხელოვნური ინტელექტის (AI) ხელსაწყოებს კერძების აღწერების, შემადგენლობისა და სხვა თანმხლები ინფორმაციის შესაქმნელად, შესავსებად და სათარგმნად.

შესაბამისად, კერძების აღწერები და თარგმანები შესაძლოა მთლიანად ან ნაწილობრივ შექმნილი იყოს AI-ის მიერ. ასეთი ინფორმაცია მხოლოდ საინფორმაციო-დამხმარე ხასიათისაა და შესაძლოა ზუსტად არ შეესაბამებოდეს რეალურ კერძს — მის გარეგნობას, გემოს, შემადგენლობას, წონას ან ულუფების რაოდენობას.

ყველა AI-ის მიერ ინფორმაცია, გადის მზარეულის ვერიფიკაციას და დათანხმებას, თუმცა შეკვეთამდე, ასევე ალერგიის, აუტანლობის ან დიეტური შეზღუდვების არსებობისას, გირჩევთ კერძის შემადგენლობა და დეტალები პირდაპირ მზარეულთან დაუზუსტოთ. პლატფორმა არ იძლევა AI-ის მიერ გენერირებული აღწერების სიზუსტის, სისრულის ან აქტუალურობის გარანტიას.

პლატფორმა, მისი დიზაინი, ლოგოები, პროგრამული უზრუნველყოფა და კონტენტი (მომხმარებლის შექმნილი კონტენტის გარდა) ეკუთვნის Ulupa-ს (შპს „ულუფა") ან მის ლიცენზიარებს და დაცულია კანონით.

პლატფორმის გამოყენება შეგიძლიათ მხოლოდ დანიშნულებისამებრ და არ შეგიძლიათ მისი ელემენტების კოპირება, შეცვლა ან გავრცელება ნებართვის გარეშე.

მზარეულის კონტენტი რჩება მზარეულს; მზარეული ოპერატორს ანიჭებს ლიცენზიას მის გამოყენებაზე პლატფორმის მუშაობისთვის.

15.1. მზარეულები და კერძები გადიან მოდერაციას. ოპერატორი უფლებამოსილია დამალოს, უარყოს ან შეზღუდოს კონტენტი, რომელიც არღვევს შეთანხმებას ან კანონს.

15.2. შეკვეთების ისტორიის მქონე კერძები არქივირდება (არ იშლება შეუქცევლად) აღრიცხვისა და დავების გადაწყვეტის მიზნებისთვის.

ეს შეთანხმება რეგულირდება საქართველოს კანონმდებლობით. დავების გადაჭრას ვცდილობთ მოლაპარაკებით; გთხოვთ, ჯერ დაუკავშირდეთ მხარდაჭერას.

16.1. პრეტენზიები იგზავნება support@ulupa.ge -ზე ან პლატფორმაზე არსებული მხარდაჭერის ჩატში. ოპერატორი ხელს უწყობს მზარეულსა და მყიდველს შორის დავის მოგვარებას და წარმოადგენს არამიკერძოებულ მხარეს დავაში.

16.2. მყიდველი უფლებამოსილია მიმართოს კონკურენციისა და მომხმარებლის უფლებების დაცვის ეროვნულ სააგენტოს.

დავა, რომელიც ვერ გადაიჭრება მორიგებით, ექვემდებარება განხილვას საქართველოს უფლებამოსილ სასამართლოებს.

პლატფორმა მოწოდებულია „როგორც არის". ვმუშაობთ მის სანდოობაზე, თუმცა არ ვიძლევით გარანტიას უწყვეტ ან უშეცდომო მუშაობაზე.

17.1. ოპერატორი არ აგებს პასუხს მზარეულებისა და მყიდველების მოქმედებაზე/უმოქმედობაზე, საკვების ხარისხზე/უვნებლობაზე და მათ მიერ კანონის დარღვევაზე და არც მყიდველსა და მზარეულს შორის ნასყიდობის ხელშეკრულებიდან წარმოშობილ ზიანზე.

17.2. ოპერატორის პასუხისმგებლობა თავად პლატფორმის მუშაობაზე შემოიფარგლება და არ ვრცელდება არაპირდაპირ ზიანზე კანონით დაშვებულ ფარგლებში.

ამ შეთანხმებაში არაფერი ზღუდავს იმ პასუხისმგებლობას, რომლის შეზღუდვაც დაუშვებელია საქართველოს კანონმდებლობით.

მყიდველებსა და მზარეულებს შორის კომუნიკაცია მიმდინარეობს აპლიკაციის ჩატით. კონფიდენციალურობისა და უსაფრთხოებისთვის ტელეფონის ნომრები მხარეებს შორის არ ზიარდება; შეკვეთასთან დაკავშირებული ყველა კომუნიკაცია უნდა მიმდინარეობდეს პლატფორმის მეშვეობით.

19.1. მონაცემთა დამუშავება რეგულირდება კონფიდენციალურობის პოლიტიკით, რომელიც შეთანხმების განუყოფელი ნაწილია.

ოპერატორი უფლებამოსილია შეცვალოს შეთანხმება; მიმდინარე ვერსია ყოველთვის ხელმისაწვდომია ამ გვერდზე „ბოლო განახლების" თარიღით; მნიშვნელოვან ცვლილებებს გაცნობებთ პლატფორმის მეშვეობით.

ამ შეთანხმებასთან დაკავშირებული ნებისმიერი კითხვისთვის დაგვიკავშირდით მისამართზე support@ulupa.ge

პლატფორმის სარგებლობის გაგრძელება ნიშნავს ცვლილებებზე თანხმობას.

21.1. თუ ცალკეული დებულება ცნობილ იქნა ბათილად, დანარჩენი ინარჩუნებს ძალას.

21.2. შეთანხმება შედგენილია ქართულ ენაზე; სხვა ენობრივი ვერსიები — მოხერხებულობისთვის.